معلومات تهمك فى بعض الاكلات

معلومات تهمك فى بعض الاكلات
(بالنسبه لتحمير القطايف)
* اذا كنتى عيزاها مقرمشه يبقى تحمريها فى زيزت غزير.
* اذا كنتى عيزاها طرية متقدحيش الزيت يكون على البارد شوية ومش غزير وممكن تخلطى زيت وسمنه مع بعض.
**********************
(ليه الكفته بتتفك واحنا بنشويها)
* لما تشوى اللحمة او الفراخ تضعى فى التتبيلة ماء البصل نفسه بعد ماتبشرية تضغطى عليه كويس بين ايديكى كأنك بتعصريه وتستعملى الماء بدون البصل.
* لكن لما تشوى كفته تضعى فيها تفل البصل يعنى البصل نفسه بعد ماتبشريه تضغطى عليه كويس بين ايديكى كأنك بتعصريه وتستعملى البصل نفسه بدون الماء االلى نزل منه.
**********************
(بالنسبه للبيتزا)
* عند عمل البيتزا رشى دقيق فى الصينيه بدلا من الزيت.
* الزعتر الفريش يعطى البيتزا طعم وريحة البيتزا الجاهزة.
***************************
(بالنسبه للبطاطس)
* يجب هرس البطاطس المسلوقه وهى ساخنه جدا حتى لايتكون عرق بالبطاطس يعنى متعجنيش اثناء الهرس.
***************
(المقاييس بالجرام)
55 جرام سكر = 1\4 كوب
225 جرام سكر= كوب
150 جرام دقيق= كوب واحد
450 جرام دقيق= 3 اكواب
225 جرام زبده= كوب واحد
225 جرام سكر بودره = 1\2 1 كوب
225 جرام سكر خشن = 1 كوب
****************
&& اتمنى ان تنال اعجابكم&&