:[شرح] تثبيت ويندوز فيستا او سفن من فلاش ميموري

شرح] تثبيت ويندوز فيستا او سفن من فلاش ميموري
مقدمة /

اي حد بينزل ويندوز فيستا او 7 .. بينزله ملف DVD ISO .. ممكن تصطبه مع XP عن طريق انك تشغل ملف ال ISO دة عن طريق برنامج Magic ISO وتصطب عادي في اي برتشن غير ال C .. بس الطريقة دي وحشة جداً .. لأنك عشان تصطب VISTA / 7 هتحتاج انك تصطب XP بحاله .. وفي الاخر مش هتستخدمه وهياخد مساحة من الهارد .. ولو حصل حاجة في ال C .. ممكن الويندوز التاني ميشتغلش او يحصل فيه مشاكل ..

وعشان تصطب ويندوز فيستا او 7 لوحده ..

محتاج انك تحرق ملف ال DVD ISO دة على اسطوانة DVD .. وعشان تعمل كدة محتاج DVD ROM ..

طيب اللي معندوش DVD ROM وعايز يصطب ويندوز فيستا/7 لوحده يعمل اية ؟؟

في طريقتين عشان تحل المشكلة دي /

الطريقة الاولى : انك تقسم ال VISTA/7 DVD ISO اللي مساحته تقريبا 2.9 جيجا على اربع او خمس اسطوانات 700 ميجا وتعمل BOOT عادي من اول اسطوانة واثناء التصطيب هيطلب منك تحط الاسطوانة التانية والتالتة وهكذا ..

المتطلبات :

- CD ROM

- ملفات تثبيت ويندوز فيستا او سفن

- برنامج مساحته 1 جيجا او برنامج مساحته 7 ميجا لكن نتيجته مش مضمونة

مشاكل الطريقة الاولى :

- صعوبة عملية التقسيم ونسبة نجاحها قليلة .. ولو عايز تعلي نسبة النجاح دي لنسبة كويسة محتاج تنزل برنامج من ميكروسوفت مساحته 1 جيجا تقريباً يعني تنزل ويندوز جديد تقريبا [ندعوك للتسجيل في المنتدى أو التعريف بنفسك لمعاينة هذه الصورة] يعني تروح تدور على حد رافع الويندوز على خمس اسطوانات عادية وتخلص [ندعوك للتسجيل في المنتدى أو التعريف بنفسك لمعاينة هذه الصورة] .. بس بيتهيألي مش هتلاقي كمان .. [ندعوك للتسجيل في المنتدى أو التعريف بنفسك لمعاينة هذه الصورة]

- سرعة ثبيت الويندوز من الاسطوانات بطيئة بالنسبة لل USB .. (في حالة انه يكون عندك USB 2 مش USB 1 لأن USB 1 بطئ جداً)

الطريقة التانية : انك تعمل Bootable usb flash .. وتنقل ملفات الويندوز على الفلاشة دي ..

المتطلبات :

- فلاشة مساحتها 4 جيجا (2 جيجا لأ)

- خاصية عمل BOOT من ال USB موجودة عندك .. واعتقد ان الخاصية دي موجودة في كل الاجهزة الجديد (Core 2 Due وال Duel core وال LGA)

- ملفات تثبيت ويندوز فيستا او سفن

- برنامج magic iso او daemon tool او اي برنامج عشان تعمل اسطوانة وهمية ..

مفيش مشاكل خالص في الطريقة دي بالعكس .. في مميزات

- طريقة سهلة جداً

- سرعة تثبيت الويندوز سريعة جداً .. لأنك بتستخدم USB 2 مش اسطوانة عادية ..

شرح الطريقة الثانية /

- حمل ويندوز فيستا او سفن .. هينزلك ملف DVD ISO مساحته تقريبا 2.9 جيجا

- نزل برنامج daemon tool او اي برنامج عمل اسطوانة وهمية .. وشغل ملف ال ISO دة .. واتأكد ان الملف شغال وبيطلع لك صفحة بداية التثبيت

[ندعوك للتسجيل في المنتدى أو التعريف بنفسك لمعاينة هذه الصورة]

- اعرف ال device letter بتاع الاسطوانة الوهمية (F ولا H ولا .....)

- حط الفلاشة في الكيسة واعرف device letter بتاع الفلاشة (F ولا H ولا .....)

شوف الفيديو دة .. وطبق الشرح اللي فيه بالحرف

ضع رد لترى المحتوى

ومن يرغب فى تنزيل هذا الفلاش
ضع رد لترى المحتوى

بعد ما تنقل ملفات الويندوز للفلاشة .. اعمل رستارت وادخل على Setup وغير ال Boot ل USB-ZIP .. وابدأ التثبيت وعيش حياتك ..

في ملحوظة بس :

- الشرح على ويندوز فيستا .. ومعلش ليا طريقة في فتح البرامج غريبة شوية [ندعوك للتسجيل في المنتدى أو التعريف بنفسك لمعاينة هذه الصورة] ..

عشان تفتح ال cmd في ال xp او الفيستا .. دوس على

start - > accessories

دوس كلك يمين على command prompet واختار run as administrator

او نختار run من قائمه start ونكتب فيها cmd ثم نضغط okسوف يفتح لك الدوس اكتب فيها الاوامر بالترتيب

- لو حاطط فلاشتين مثلاً .. وهتخلي التانية هي ال Boot .. هتحتاج انك تغير الاوامر بتاعة ال Disk 1 ل Disk 2 .. ويفضل انك تخلي فلاشة واحدة بس هي اللي متركبة عشان تريح دماغك ..

- في خطوة .. select partition .. بيطلع رسالة كدة بما في معناها اني محددتش برتشن محدد 1 ولا 2 ولا ... وبيقول انه من نفسه اختار برتشن 1 ..

هي بس القصة اني هختار برتشن 1 .. فكتبت select partition وسكت .. فهو من نفسه هيختار برتشن 1 .. لو عايز تحدد البرتشن بالظبط ..

اكتب

select partition 1 .. او سيبها زي ما هي .. وهو هيختار 1 من نفسه ..

- انا عندي حرف الاسطوانة الوهمية هو (F) وحرف الفلاشة هو (H) .. استبدل الحروف دي في اوامر الدوس باللي عندك

الاوامر بالترتيب /

كود

diskpart

list disk

select disk 1

clean

creat partition primary

select partition

active

format fs=ntfs

assign

exit

F:

cd boot

bootsect.exe/nt60 h:

وخد بالك تاني من الملحوظة دي ..

- انا عندي حرف الاسطوانة الوهمية هو (F) وحرف الفلاشة هو (H) ..
استبدل الحروف دي في اوامر الدوس باللي عندك

[ندعوك للتسجيل في المنتدى أو التعريف بنفسك لمعاينة هذه الصورة]