اضحك معنا

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف



مرة واحد حلاق بيعلم ابنه الصغير الحلاقه
وكل ما يغلط الولد يجى ابوه يضربه بالخرزانه
يقوم الولد موطى تيجى فى الزبون وكل مرة كده
لغاية لما الزبون استوى
وفجأة قطع الولد ودن الزبون فمسكها فى يده
وقال للزبون يا فندى يا فندى ودنك اتقطعت
قاله الزبون ابوك شافك قال لأ
قاله طب ارميها بسرعة قبل ما ابوك يشوفها



مرة اتنين مساطيل قاعدين بيحششوا قدام نشرة الأخبار في التليفزيون
فنشرة الأخبار طولت، راح الأول قال للثاني: هيه ليه نشرة الأخبار طولت النهاردة
كدة؟ رد عليه الثاني و قال: معلش أصل شكلها كدة النهاردة آخر حلقة.


واحد سنانه كلها طايرة ما عدا الانياب… قدم علي وظيفة عينوه خرامة





واحدة رايحة تشترى بغبغان الراجل قالها دا بغبغان جامد ترفعى رجليه اليمين يقول اغنية لعبد الحليم ترفعى رجليه الشمال يغنى لعمرو دياب
قالتله ولو رفعت رجليه الاتنين ها يعمل ايه ؟
رد الغبغان وقال هاقع ياروح امك



مرة عيل بيقول لعيل تاني :كل الكبار عندهم اسرار ودا بيخلي موقفهم ضعيف فلواد التاني حب يختبر نظرية صاحبه فراح لامه قالها ان عارف السر فاتلهت واديتله 20 جنيه وقالتله ماتقلش لابوك الواد عجبته الحكاية فراح لابوه قاله انا عارف السراداله 40 جنيه وقاله ماتقلش لامك الواد انبسط قوي وقال يجرب علي ناس تانيةفراح للبواب وقاله انا عارف السر قاله:
.
.
....
ابني حبيبي اخيرا عرفت .. تعالي ادي حضن لبابا يا حبيبي



واحد ضرب واحد مسطول بالقلم على وشه
سأله المسطول : دا هزار ولا جد؟
قاله : جد
قال : احسن لأني مش بحب الهزار ابدا



ولد راح يشتكي لأمه .. فبيقولها: كل ما اقول لأبويا عاوز اجوز واحده من بنات الجيران يقولى بلاش لحسن تكون اختك اقوله يا بابا طب فلانه يقولى بلاش لحسن تكون اختك طب فلانه يقولي بلاش لحسن تكون اختك ... قالته: سيبك منه يا واد واجوز اللى انت عاوزها هو اصلا مش ابوك




مدرس بيقول لطالب: ادخل كلمة الصبح في جمله

قاله: هي ناقصة اهلك علي الصبح



اتنين بلدياتنا بيلعبو شطرنج، الاول حرك العسكرى وقال للتاني هاهاهاها موتلك الحصان،
التانى قام ورجع بعد ساعة وقاله له هاهاهاها وأنا سممتلك البهايم






وفي لحظة رومانسية عابرة
.
.
.
.
نظرت إليه نظرة ماكرة
وقالت له حبيبي كم أحببت من النساء غيري؟

نظر إليها نظرة ساخرة
وقال لها حبيبتي كثير بعدد شعر رأسى

فأرتسمت على وجهها علامات الغضب وقالت له إخرس وقامت توقف تاكسي
ولكنها هدأت فجأة حين تذكرت إنه ....
.
.
.
.
أصلع




واحد جاه 7عيال سمى نفسه سفن اب




الصحفي: وحضرتك إزاي بتعرف إذا كان المريض مجنون فعلا ولا مجرد تعبان نفسيا

الدكتور: بنعمله إختبار البانيو

الصحفي: واللي هو ؟

الدكتور: بنملى البانيو ميّه على آخره … وندي المريض معلقة وكوباية وجردل … وبنقوله فضيلنا البانيو ده من الميّة

الصحفي: وطبعا لو استخدم المعلقة أو الكوباية يبقي مجنون لإنه المفروض يستخدم الجردل

الدكتور: مممم … هو عامة، العاقل حيرمي ده كله ويشيل سدادة البانيو … تحب اوضتك على الشارع ولا بتبص على الجنينة ؟