هو ليه فى سندباد و مفيش هندباد؟
مع ان فى جوز هند بس مفيش جوز سند!
و ليه فى شهرزاد و مفيش اسبوع زاد او نقص؟؟
و ليه فى باكستانى و مفيش باكستالت ولا رابع؟؟
اكيد ربنا له حكمة..
محشش يتأمل ملكوت الله
واحد بيقول لصاحبه بتحب ابوك ولا اللحمة؟؟
قال له انت عبيط دى الشوربة بس برقبته
عصفور صدمته عربية و اغمى عليه
صاحب العربية وقف و اخده البيت و حطه فى قفص
صحى العصفور لقى نفسه فى القفص مسجون قال معقوله يكون الراجل مات !!
صعيدى طلب يتعين فى مجلس الشعب
قالوا له انت اهبل !
قال لهم يعنى لازم الشرط ده؟؟
صعيدى بيقول للتانى: بيجولوا البابا شنوده وجع فى البانيو رجله اتكسرت
التانى قال له : ايه البانيو ده؟؟
قال له : و انا ايش عرفنى هوا انا مسيحى؟
صعيدى عايز يشنق نفسه من رجليه سألوه ليه؟
قال جربت من رقبتى كنت هموت
سألوا الرئيس مبارك عن رأيه فى التغيير
قال: التغيير ده سنة الحياة
قالوا: طب و سيادتك مش هتتغير؟؟
قال: انا فرض مش سنة
واحد صعيدى مثقف اوى بعت رساله لاخوه بيقول له:
Open happy wrote his book on in in Friday
يقصد:
فتحى سعيد كتب كتابه على فيفى جمعه!
واحد سأل شيخ لو شفت اسد و انا بصلى اكمل الصلاة؟
قال له لو لسة على وضوءك كمل
واحدة بتقول لشيخ انا بصلى و محجبة و بقرأ قرءان
قال لها ده مفتاح الجنة
واحدة تانية بتقوله انا بحب البس شورتات و مايوهات
قال لها و ده مفتاح الشقة
واحدة بتقول لجوزها ادبح خروفين بمناسبة مرور 25 سنة على جوازنا
قال لها ايه ذنب الخروفين فى غلطة ارتكبها حمار ؟؟
هذه الرسالة تفيد بأنك غير مسجل فى منتدى همس الربيع للاستاذ/ محمدعبدالله**يسعدنا انضمامك لاسرة المنتدى.. للتسجيل الرجاء اضغط هنــا
